Avropa

Sidney terrorunda yaralananların sayı 40-a çatdı

15 Dekabr 2025 02:42

Sidney çimərliyində baş verən atışma nəticəsində ən azı 40 nəfər yaralanıb.

Publika.az xəbər verir ki, bu barədə Yeni Cənubi Uels polisin məlumat verib.

Hüquq-mühafizə orqanları hazırda hadisəni araşdırır. Atışma yerində üç odlu silah aşkar edilərək götürülüb.

Yeni Cənubi Uels Səhiyyə Naziri Rayan Park yaralılar arasında dörd uşağın olduğunu açıqlayıb. O, qurbanların müxtəlif dərəcəli xəsarətlər aldığını qeyd edib .

Nazirin sözlərinə görə, çimərlikdə atışma barədə məlumat yayıldıqdan dərhal sonra 100-dən çox təcili yardım işçisi, ixtisaslaşmış bölmələr və ümumi praktikantlar yaxınlıqdakı xəstəxanalara səfərbər edilib.

Dekabrın 14-də Sidneydəki Bondi çimərliyində Hanuka bayramı şənlikləri zamanı iki kişi kütləyə atəş açıb. Tədbirdə təxminən 2000 yəhudi icmasının üzvü toplaşıb. Polis atışmanı terror aktı kimi qiymətləndirib. Mediada yayılan məlumatlara görə, hücum bir neçə aydır planlaşdırılırmış.

Hüseyn İbadlı