Avropa

Makronun qab-qacağı oğurlandı - Yelisey Sarayında QALMAQAL

22 Dekabr 2025 15:50

Yelisey Sarayının əməkdaşı iki il ərzində Fransa prezidenti Emmanuel Makronun iqamətgahından çini qab oğurlayıb.

Publika.az xəbər verir ki, bu barədə Fransanın “Le Figaro” qəzeti məlumat yayıb.

Bildirilib ki, masaların açılması və qab-qacaqların inventarlaşdırılmasına cavabdeh olan menecer Tomas M. Fransanın mədəni irsinə aid fincanlar, boşqablar və digər əşyalar da daxil olmaqla, on minlərlə avro dəyərində təxminən 100 ədəd Sevr çinisini mənimsəyib.

Bildirilir ki, o, oğurluqları gizlətmək məqsədilə inventar sənədlərini saxtalaşdırıb və ələ keçirilən əşyaları Luvr muzeyinin zallarından birində baxıcı kimi çalışan çini kolleksiyaçısı Jislenə verib.

Qeyd olunur ki, məhkəmə hər iki şəxsin oğurlanmış əmlakı geri qaytarması barədə qərar çıxarıb. Həmçinin kolleksiyaçının Luvrda işləməsi qadağan edilib, menecer isə Yelisey Sarayındakı vəzifəsindən kənarlaşdırılıb.

Adəm