Bakı 2015

Beşqat dünya çempionu: “Məşəl festivalı gəncləri ruhlandırır”

5 May 2015 17:59

Kikboksinq üzrə beşqat dünya çempionu, AKF-nin gənclər və yeniyetmələr üzrə baş məşqçisi Ehram Məcidov Biləsuvar Rayon İcra Hakimiyyətinin başçısı Mahir Quliyevlə görüşüb.

Publika.az xəbər verir ki, Biləsuvardakı məşəlçilərdən biri olan əməkdar məşqçi rayonda idmana göstərdiyi dəstəyə görə, Biləsuvar Rayon İcra Hakimiyyətinin başçısına öz təşəkkürünü bildirib.

E.Məcidov Mahir Quliyevin icra başçısı olduğu müddətdə rayonda quruculuq işlərini yüksək səviyyədə apardığını, gənclərə və idmançılara diqqət və qayğısını əsirgəmədiyini deyib:

“Demək olar ki, qısa müddət ərzində Biləsuvar rayonu daha da gözəlləşib və yenilənib. I Avropa Oyunlarının Azərbaycanda keçirilməsi və bütün bölgələrimizdə məşəl festivalının yüksək səviyyədə təşkili gənclər və idmançılar arasında böyük ruh yüksəkliyi yaradır”.

Aygün İlqarqızı