Banklar
Bir ayda 12 BANK FİLİALI bağlandı: ƏSAS SƏBƏBLƏR
Azərbaycan Mərkəzi Bankı ölkədə bank filiallarının və bank şöbələrinin sayının azalması ilə bağlı statistik məlumat yayıb. Məlumatda bank filiallarının sayının son 1 ayda 492-dən 480-ə, bank şöbələrinin sayının isə 96-dan 95-ə endiyi bildirilib.
Bununla bağlı Publika.az-a danışan bank sektoru üzrə hüquqşünas Əkrəm Həsənli bu rəqəmin elə də böyük olmadığını və hansısa mənfi tendensiyaya gətirib çıxarmayacağını bildirdi.
Onun sözlərinə görə, bununla belə, bu məsələdə hər bir bank üçün ayrıca səbəblər ola bilər:
“Əsas səbəb orta və kiçik bankların get-gedə zəifləməsi ilə bağlıdır. Onlar böyük və inhisarçı banklarla rəqabətə davam gətirməyərək iflas edir, filial şəbəkələrini saxlaya bilmirlər. Böyük banklar isə yaranmış boşluqdan istifadə edərək, daha da böyüməyə çalışır. AMB-nin bank fəaliyyətilə bağlı etdiyi son dəyişikliklər göstərdi ki, bu sektordakı bəzi qaydalar sərtləşdirilir”.
Eksperin fikrincə, bu gün orta və kiçik banklar üçün filial saxlamaq əlavə xərc deməkdir:
“Filial saxlamaq müştəri bazası böyük olan iri banklara sərf edir. Hazırda bəzi bank xidmətləri onlayn şəkildə həyata keçirilir və ölkədə internet-bankinq sisteminin inkişafına meyllər artmağa başlayıb. Bu da bankların filial saxlamasına mane olan əsas səbəbə çevrilib”.
İqtisadçı ekspert Eyyub Kərimli isə Publika.az-a müsahibəsində bank filiallarının azalmasını bir neçə səbəblə əlaqələndirdi:
“Birincisi odur ki, bəzi banklar öz fəaliyyətlərini düzgün qura bilmir, bu da filialların artmasına mane olur. Digər səbəb bəzi bankların regionlardakı filiallarını azaltması ilə bağlıdır. Buna görə də bölgə sakinlərinin bank kreditlərinə əlçatanlılığı çox zəifləyib. Əgər bəzi zəifləmiş bankların reytinqinə və gəlirliliyinə nəzər salsaq, onların fəaliyyətinin sual altında olduğunu görərik. Hesab edirəm ki, yaxın gələcəkdə belə qurumlar birləşəcək və fəaliyyətlərində dəyişiklik edəcəklər”.
Onun sözlərinə görə, ölkədə elə passif banklar var ki, onlar ya sırf korporativ müştərilərlə işləyirlər, ya da fəaliyyətləri elə də geniş sahəni əhatə etmir:
“Buna görə də onların fəaliyyəti zəif hiss olunur. Bu da onu deməyə əsas verəcək ki, ölkədə təmərküzləşmə gedəcək, kiçik banklar ya birləşəcək, ya da bağlanacaq. Bəzi filialların bağlanmasını inhisarçılıqla da əlaqələndirə bilərik. Ölkədə fəaliyyət göstərən iri banklar əhalidən depozitləri aşağı faizlə alır, kreditləri isə yüksək faizlə verirlər. Elə banklar da var ki, pensiya və maaş kartlarını əllərində cəmləşdiriblər. Bu da digər bankların fəaliyyətinə təsir göstərir, kiçik və orta bankların filiallarının bağlanması ilə nəticələnir”.
Rövşən Ziya
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?