Bu ölkədə silahlılar 65 dinc sakini öldürdü
Bizi izləyin
Aptekonline

Digər

Bu ölkədə silahlılar 65 dinc sakini öldürdü

Bu ölkədə silahlılar 65 dinc sakini öldürdü

Nigeriyanın şimal-şərqində “Boko Haram” radikal qruplaşmasının döyüşçülərinin hücumu nəticəsində ən azı 65 dinc sakin öldürülüb.

Publika.az xəbər verir ki, bu haqda yerli polisin nümayəndəsinin bəyanatına istinadən “Röyters” agentliyi bildirib.

Daha əvvəl “Agence France-Presse” agentliyi ən azı 23 nəfərin həlak olduğunu xəbər vermişdi.

Məlumata görə, motosikllərlə gələn döyüşçülər yerli kəndlərdən birinə gələrək dəfn mərasimindən qayıdan insanlara atəş açıblar.

Qeyd edək ki, “Boko Haram” qruplaşması Nigeriyanın şimal-şərqi və şərqində hərəkət edir. Qruplaşmanın döyüşçüləri həmçinin qonşu ölkələrdə - Niger, Kamerun və Çadda hücumlar təşkil edirlər.

2009-cu ildən “Boko Haram” döyüşçüləri Çad gölü sahilindəki ölkələrində 27 mindən çox insanı öldürüblər, təxminən 2,6 milyon insan qaçqın olub. Münaqişə zonasında 11 milyon nigeriyalıdan çoxu təcili humanitar yardıma ehtiyac duyur.

Teqlər
Oxumağa davam et
Reklam
Reklam

Gündəm

Aptekonline