Dizayn

İnteryerdə Skandinaviya tərzi - FOTOLAR

16 İyul 2015 14:45

Skandinaviya dekorasiyasının bəsit və sadə dizaynlarına həyatımızın hər bir guşəsində üstünlük verilir. Publika.az-ın dizayn rubrikasında Skandinaviya tərzinin bir neçə detalını diqqətinizə çatdırır.

Əsasında sadəliyi və minimalist cizgiləri saxlayan stilin ana vətəni Danimarka, Norveç, İsveç və Finlandiyanı əhatə edən Skandinaviya ölkələridir. Sadə, amma funksional dekorasiyalar, güclü vizual effektlər, qonaqpərvər, rahat kreslolar, rəngarəng parlayan aksessuar və yastıqlar, mütaliə və dincəlmə guşələri, alətlər, buxarılar bu tərzin əsas detallarıdır. Atmosferi hər an canlı və hərəkətli göstərən obyektlərlə hazırlanmış sadə və qəşəng məkanlar hər bir xanımın ürəyinə yol tapır.

Ağın sehri

Skandinaviya stilinin ən əhəmiyyətli xüsusiyyəti - ağ divarların müşayiət etdiyi və yenə ağ rəngli əşyaların hakimiyyətdə olmasıdır. Ağ rəng Skandinaviya ölkələrinin bol qarlı soyuq hava şərtlərini xarakterizə edir, həm divarlarda, həm də əşyalarda ağ rəng ən çox üstünlük verilən rəngdir.

İsti taxta toxunuşlar

Taxta toxunuşlar Skandinaviya stilinin digər özəlliyidir. Məkanda istifadə edilən taxta detallar, jalüzlər, ağır mebellər, stul və kreslolar ağın sehri ilə qarışdırıb isti bir məkan yaradılmasına icazə verir.

Sadə amma əyləncəli

Sadə olduğu qədər əyləncəlidir. Rəngli xalça, bədii obyektlər, heyvan fiqurlu yastıqlar, gitara və piano kimi musiqi alətləri, əl işi adyallar da bu tərzə gözəllik bəxş edir. Rahat-rahat kreslolarda buxarı qarşısında səmimi dost söhbətləri üçün idealdır.

İşıq məkanlar

Skandinaviya tərzində işıqlandırma olduqca əhəmiyyətlidir. Dizaynda maraqlı lampalar və çılçıraqlar istifadə olunur. Məkanda müxtəlif tərzlərdə birdən çox işıqlandırma sistemləri istifadə edildiyinin şahidi ola bilərsiniz.

Publika.az bu tərzə aid nümunələri təqdim edir:

Aytən