Dizayn

Məşhur müğənni ilə milyarder ərinin saray kimi MÖHTƏŞƏM EVİ - FOTO

29 İyun 2017 12:15

Bu yaxınlarda əkiz anası olan müğənni Beyonsla milyarder əri Cey Zi-nin Malibu şəhərində kirayə aldıqları villanın görüntüləri ortaya çıxıb.

Publika.az xarici mətbuata istinadən xəbər verir ki, cütlüyün yeni köçdükləri evin aylıq kirayə haqqı 400 min dollardır.

Sakit Okeanın sahilində yerləşən malikanənin on yataq otağı, on dörd vanna otağı, kitabxanası, spa salonu, bir qapalı hozuzu və bir okean mənzərəli və açıq hovuzu var. Otaqları XVIII əsrə aid, ametist və dağ bülluru ilə işlənmiş mərmər çilçıraqlar bəzəyir.

Həmçinin malikanədə həyatda qonaqlar üçün ayrıca ev, tennis kortu, çaxır anbarı yerləşir. Bu evdə Beyons və Cey-Zi yayın sonunadək qalmağı planlaşdırırlar.

Xatırladaq ki, iyunun 12-də Beyonsun əkiz oğlu və qızı doğulub. Bir neçə gün əvvəl Beyons uşaqlarla Los-Ancelesdə xəstəxanadan evə buraxılıb.

Aytən