Məşhur cütlük 30 pişiyi ilə birlikdə bu villada qalır - VİDEO

Müğənni Fərhad Göçərlə sevgilisi Ömür Gedikin 30 pişik saxladığı məlum olub.

Publika.az Türkiyə mediasına istinadən xəbər verir ki, müğənni Fərhad Göçerin sevgilisi Ömür Gedik Evrim Akının "Kanal D"də yayımlanan "Evrim Akımla ev turu" verilişinin növbəti qonağı olub. Ömür Gedik Beykozdakı 4 mərtəbəli villasının qapılarını Kanal D-yə açıb.

Məlum olub ki, Boğaz mənzərli möhtəşəm villalarında ulduz cütlük 30 pişiyə baxır. Pişiklər üçün xüsusi hazırlanmış Boğaz mənzərəli evin eyvanında otaqlar arasından xüsusi tunellər quraşdırılıb.

Heyvan hüquqlarının müdafiəçisi kimi tanınan Gedik açıqlamaları ilə izləyiciləri təəccübləndirib. Gedik evindəki akvariumun maraqlı hekayəsini izləyiciləri ilə bölüşüb və bildirib ki, sazan balığını qorumaq üçün evində akvarium tikdirməyə qərar verib. Bundan başqa o, gündə bir dəfə yemək yediyini, buna görə də mətbəxə çox girmədiyini deyib.

Gedik həm də Ferhat Göçerlə münasibətlərindən də söz açıb: "Kiminlə yazışdığını, hansı proqramları olduğunu bilmək istədiyim üçün telefonuna baxaram. İlk illərimizdə telefonunu daha çox qarışdırırdım, amma indi o qədər də baxmıram".