Dünya

Cəmil Bayık PKK liderini ifşa etdi: “AKP-ni devirəcəkdik, lakin Apo...”

10 Oktyabr 2015 03:13

Ötən il AKP-ni hakimiyyətdən devirəcəkdik.

Axar.az xəbər verir ki, bu sözləri PKK liderlərindən Cəmil Bayık öz məqaləsində qeyd edib. O, 2014-cü ilin 6-7 oktyabr hadisələri zamanı AKP-ni devirmək istədiklərini, lakin Abdullah Öcalanın buna əngəl olduğunu bildirib.

“Ötən il kürd xalqının qəzəbindən AKP hökumətinin və Prezident Rəcəb Tayyib Ərdoğanın dizləri titrəyirdi. Hökumət İmralıya gedib, Apodan bu iğtişaşların dayandırılmasını xahiş etmişdi. Daha sonra Aponun təkidi nəticəsində bu hadisələr dayandı. Əks halda, kürd xalqı ayağa qalxıb AKP hökumətini yerlə-yeksan edəcəkdi”, - deyə Bayık məqaləsində qeyd edib.

Xatırladaq ki, ötən ilin 6-7 noyabr tarixlərində Türkiyənin cənub-şərq vilayətlərində Kobaniyə (Suriya) dəstək məqsədi ilə, başda PKK olmaqla, terrorçu-radikal qruplaşmalar tərəfindən iğtişaşlar törədilmişdi.

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.