Dünya

Paris terrorçusunun son mesajı ortaya çıxdı: “Gəlin...” - VİDEO

18 Noyabr 2015 22:35

Fransanın paytaxtı Parisdəki “Bataclan” konsert salonunu hədəf alan hücumdan əvvəl terrorçulardan birinin yazdığı mesaj ortaya çıxıb.

Publika.az xarici mediaya istinadən xəbər verir ki, mesajın göndərildiyi telefon konsert salonunun yaxınlığındakı zibil qutusundan tapılıb.

Mesajda “Gəlin, başlayaq” yazılıb. Telefonda konsert salonu ilə bağlı məlumatlar aşkarlanıb. Mesajın kimə göndərildiyi hələ müəyyənləşdirilməyib. Ancaq mesajın göndərildiyi telefonun yerinin Parisin Alfortville şəhərətrafındakı bir otel olduğu müəyyənləşdirilib. Oteldə aparılan axtarışlarda isə terror hücumunu həyata keçirən terrorçulardan birinə – Abdeslam Salaha aid kredit kartları ələ keçrilib.

Bildirilir ki, əldə olunan məlumatlar istintaq üçün çox əhəmiyyətlidir. Bu məlumatlar hücumun peşəkarlıqla planlaşdırıldığını və kənardan koordinasiya edildiyini göstərir.