ABŞ: "Ayətullah bütün dünyaya sui-qəsd edə bilər"

Avropa Birliyinin İrana 8 milyon avro dəyərində maliyyə yardımı edəcəyinə dair qərarı ABŞ-ın İran üzrə xüsusi nümayəndə heyəti tərəfindən kəskin tənqid olunub.

Publika.az "RİA Novoste"yə istinadən xəbər verir ki, bununla yanaşı, ABŞ Brüselə İrana qarşı sansksiya və təzyiqlərin daha da artırılması olduğunun mesajını verib. Bildirilib ki, ABŞ-ın İran üzrə xüsusi nümayəndələrindən olan diplomat Brayan Huk İranın terrora dəstək və digər ağır ittihamlarla qarşı-qarşıya olduğuna diqqət çəkib:

"İran hökuməti çox ciddi iqtisadi böhran içərisindədir. Bu böhrandan çıxış yolu isə yalnız Avropa Birliyinin və Amerikanın ortaq dəstəyidir. Amma nəzərə almaq lazımdır ki, İran xalqı hökumətin sui-istifadəsi, terrora dəstəyi və yanlış idarəçiliyi ucbatından zərər görə bilər. Ayətullah Xomeyninin çox ciddi maddi gəlir mənbələrinin olması səslənən iddiaların əsassız olmadığını göstərir. Bu isə o deməkdir ki, İran AB və bütün dünyaya daha çox sui-qəsd cəhdləri edə bilər".

Könül