Dünya

İsrail İrana qarşı xüsusi ordu yaradır

19 Fevral 2020 16:40

İsrail ordusu İran tərəfindən gələ biləcək təhdidlərə qarşı mübarizə məqsədilə xüsusi təyinatlı dəstə yaradacaq.

Publika.az xəbər verir ki, bu barədə “Sürətlənmə” adlı 5 illik iş planında qeyd olunub.

İctimaiyyətlə paylaşılan plana görə, xüsusi təyinatlı qüvvələrə “İran Direktorluğu” adı veriləcək. Bu birlik generalın nəzarətində olacaq və Tehranın nüvə proqramı ilə yanaşı, Suriyadakı hərbi fəaliyyətinə diqqətini yönəldəcək.

“İran Direktorluğu” həmçinin, İsrail ordusunun strateji və beynəlxalq münasibətlərinin təkmilləşdirilməsi mövzularında da işlər görəcək.

Bu yay fəaliyyətə balanması gözlənilən dəstənin böyüklüyü və neçə nəfərin xidmət etməsi ilə bağlı bilgilər gizli saxlanıb.

Zümrüd