Əfqanıstan ÇAXNAŞMA ASTANASINDA: Yararsız xəbərdarlıqlar bitdi, müqavimətə qoşulun...

Əfqanıstanın vitse-prezidenti Əmrullah Saleh prezidentin olmadığı müddətdə müvəqqəti dövlət başçısı olduğunu bəyan edib.

Publika.az "RIA Novosti"yə istinadla xəbər verir ki, o, bu barədə "Twitter" hesabında yazıb.

"Əfqanıstan konstitusiyasına görə, prezidentin olmaması, qaçması, istefası və ya ölümü halında birinci vitse -prezident müvəqqəti prezident olur. Hazırda mən ölkəmdəyəm və qanuni müvəqqəti prezidentəm. Dəstək almaq üçün bütün liderlərlə əlaqə saxlayıram",- Saleh bilidirib.

O, həmvətənlərini "Taliban"la qarşıdurmaya çağırıb:

"ABŞ və NATO-dan fərqli olaraq ruhumuzu itirməmişik və qarşıda böyük imkanlar görürük. Yararsız xəbərdarlıqlar bitdi. Müqavimətə qoşulun".

Xatırladaq ki, bir neçə həftə əvvəl, ABŞ hərbi kontingentinin Əfqanıstandan çıxarılması fonunda respublikada vəziyyət kəskin pisləşdi. "Taliban" böyük şəhərlərə hücum etdi. Bazar günü Kabili tamamilə nəzarətə götürdü və ölkədə hakimiyyəti ələ keçirdi. Keçmiş prezident Əşrəf Qani ölkədən qaçdı".

"Taliban" siyasi bürosunun sözçüsü Məhəmməd Naim 20 illik müharibənin bitdiyini və yeni bir idarə formasının tezliklə aydınlaşacağını söyləyib.

Hüseyn