ABŞ-ın bu addımı Yunanıstanı HƏRƏKƏTƏ KEÇİRDİ

ABŞ Yunanıstan, İsrail və Kipr administrasiyası arasında Şərqi Aralıq dənizi boru kəməri layihəsinə “yox” cavabı verib.

Publika.az">Publika.az xəbər verir ki, bu barədə Co Bayden administrasiyası yaxın vaxtlarda diplomatik kanallar vasitəsilə Yunanıstanı məlumatlandırıb.

“Onların planlaşdırılan “EastMed” layihəsinin iqtisadi reallaşması ilə bağlı tərəddüdləri var və bu layihəni dəstəkləmək niyyətində deyilik”.

Eyni fikir İsrail və Kipr administrasiyasına da çatdırılıb. “Kathimerini” qəzeti bu inkişafı “ABŞ “EastMed”ə mina yerləşdirdi” - deyə dəyərləndirib.

Qəzet ABŞ-ın “yaşıl layihə”nin (bərpa oluna bilən) olmaması və onun yüksək qiyməti ilə yanaşı, “East Med”i də siyasi cəhətdən faydalı hesab etmədiyini yazıb. Digər tərəfdən, ABŞ-ın Misirlə Yunanıstan, İsrail və Kipr arasında elektrik əlaqəsi layihələrinə üstünlük verdiyini də qeyd edib.

Təxminən 2000 km uzunluğunda olan və dəyəri 7 milyard avrodan çox olan boru kəmərinin tikintisinə dair müqavilə 2020-ci ilin yanvarında imzalanıb. Son 2 ildə layihəyə maliyyəçi tapa bilməyiblər. Avropa İttifaqı layihədə maraqlı olsa da, indiyədək onun maliyyələşdirilməsi ilə bağlı heç bir qərar verməyib. Layihənin son marşrutu da bəlli deyil.