Dünya

Simonyan prezident oldu, Paşinyan... – İrəvanda nə baş verir?

1 Fevral 2022 14:22

Ermənistan parlamentinin sədri Alen Simonyan prezident Armen Sarkisyanın səlahiyyətlərinin başa çatması haqda protokolu imzalayıb.

Publika.az xəbər verir ki, Ermənistan konstitusiyasına əsasən prezident səlahiyyətlərini müvəqqəti olaraq parlament sədri icra edəcək. Alen Simonyan artıq prezident səlahiyyətlərinin icrasına başlayıb. Parlamentə sədrlik isə müvəqqəti olaraq vitse-spiker Akop Arşakyana keçib. Parlament 25-35 gün ərzində yeni prezidenti seçməlidir.

Armen Sarkisyanın gedişindən sonra baş nazir Nikol Paşinyan ölkədə hakimiyyəti tamamilə ələ almış şəxs hesab edilir. Keçmiş prezident geniş səlahiyyətlərə malik olmasa da, bir çox məsələdə baş nazirə problem yaradırdı. Paşinyan özünə yaxın fiquru prezident seçərək, bu postun da faktiki idarəçisinə çevriləcək.