Zelenski Rusiyanın nüvə silahından istifadə riskindən DANIŞDI - VİDEO

Ukrayna Prezidenti Vladimir Zelenski Rusiyanın mümkün nüvə silahından istifadə riskini qiymətləndirib.

Publika.az">Publika.az xəbər verir ki, o, bu barədə “Nine Network”ə müsahibəsində danışıb.

“Rusiya rəhbərliyinin nüvə silahından istifadə etməməsini gözləmək olmaz. Yoxsa edəcək. Hər iki variant tamamilə mümkündür. Deyə bilərəm ki, bəzən nəticəsini belə anlamadan nədənsə istifadə edirlər. Yaxud nəticəni başa düşürlər, amma anlamırlar”, - deyə Ukrayna dövlət başçısı bildirib.

Zelenskinin fikrincə, Rusiyanın Ukrayna atom elektrik stansiyalarını ələ keçirməklə bağlı davranışı çox aşkardır.

“Nüvə reaktorlarını, atom elektrik stansiyalarını atəşə tutdular. Bəli, qorunurlar, amma ... Tanklardan atəş açdılar. Çeçenlər, digər silahlıəlar, onların ordusu... Ölüm bütün Avropaya gələ bilərdi. Ölüm bütün Avropaya gələ bilər. Və bu onlar üçün əhəmiyyətli deyil. Onlara kimsə əmr verdi, vermədi. Atom elektrik stansiyasının ələ keçirilməsi ilə bağlı göstəriş var idi” – Zelenski əlavə edib.

Xatırladaq ki, hərbi ekspert Mixail Jiroxov Rusiyanın Ukraynanı ələ keçirmək üçün bütün resurslardan istifadə etmək qərarına gəldiyini bildirib. Ona görə də ruslar hazırda Ukrayna ərazilərinə raket zərbələri endirirlər.

Nüvə silahı təhlükəsi ilə bağlı amerikalı hərbi ekspert Cozef Sirinçone Putinin ilk zərbəni necə vura biləcəyini təsvir edib. Onun sözlərinə görə, nüvə müharibəsinin başlaması üçün beş dəhşətli ssenari var.