Türkiyəli iş adamı Gürcüstanda həbs edildi
Bizi izləyin

Dünya

Türkiyəli iş adamı Gürcüstanda həbs edildi

Türkiyəli iş adamı Gürcüstanda həbs edildi

Gürcüstanın Batumi bölgəsində saxlanılan türkiyəli iş adamı Qalib Öztürkə qarşı həbs-qətimkan tədbiri seçilib.

Publika.az gürcü mediasına istinadla xəbər verir ki, Gürcüstan Baş Prokurorluğu ona qanunsuz olaraq külli miqdarda narkotik maddə almaq və saxlamaq, Maliyyə Nazirliyinin İstintaq Xidməti isə vergilərdən yayınma, saxta ödəniş sənədlərinin hazırlanması və istifadəsi ilə bağlı ittiham irəli sürüb.

Məlumata əsasən, Qalib Öztürkün mənzilində aparılan axtarış nəticəsində külli miqdarda kokain müsadirə edilib.

İş adamının vəkili Davit Çavleişvilinin sözlərinə görə, Öztürk ittihamı qəbul etmir və susmaq haqqından yararlanır.

Vəkil onun girov müqabilində sərbəst buraxılması üçün məhkəməyə müraciət etdiklərini bildirib.

Qeyd edək ki, Gürcüstan vətəndaşı olan Qalib Öztürk Batumidə bir neçə mehmanxana və “Metro city” ticarət mərkəzinə sahibdir. O, həmçinin “Metro Turizm” avtobus şirkətinin təsisçisidir.

Teqlər
Oxumağa davam et
Reklam
Reklam

Gündəm

Zəfaran Hospital
Səba