Dünya

İtaliyanın 5 şəhərində istilər səbəbindən ən yüksək təhlükə elan edildi

4 İyun 2022 19:24

İtaliyanın Səhiyyə Nazirliyi Afrika antisiklonuna görə bazar günü gözlənilən yüksək hava temperaturu ilə əlaqədar İtaliyanın beş şəhərində, o cümlədən Romada hava təhlükəsinin ən yüksək - qırmızı səviyyəsini elan edib.

Publika.az TASS-a istinadla xəbər verir ki, Müvafiq bildiriş şənbə günü agentliyin saytında yerləşdirilib.

Söhbət həm də Kampobasso, Perugia, Rieti və Frozinonedən gedir. "Narıncı" xəbərdarlığı Latina, Palermo və Kataniyada keçərli olacaq. Sinoptiklər xəbərdarlıq edirlər ki, Siciliyanın bəzi yerlərində 42 dərəcəyə qədər temperatur gözlənilir.

Güclü istilərlə əlaqədar meteoroloqlar hər kəsi bütün ehtiyat tədbirlərinə əməl etməyə çağırır. Bu, xüsusilə uşaqlar və yaşlılar üçün önəmlidir. Onlara mümkünsə evdə qalmaq, daha çox su içmək və fiziki fəaliyyəti məhdudlaşdırmaq tövsiyə olunur.