Avropa Parlamenti Avropa Şurasını ona sanksiya tətbiq etməyə ÇAĞIRDI

Avropa Parlamenti Bidzina İvanişviliyə qarşı sanksiyanı da nəzərdə tutan ""Gürcüstanda media azadlığının və jurnalistlərin təhlükəsizliyinin pozulması" barədə qətnamə qəbul edib.

Publika.az xəbər verir ki, 2 gün davam edən debatlardan sonra səsvermə zamanı 308 deputat qətnaməni dəstəkləyib, 218-i isə buna qarşı gəlib.

Sözügedən qətnamədə Avropa Parlamenti Bidzina İvanişviliyə qarşı sanksiya tətbiq olunması üçün Avropa Şurasına müraciət edib:

"Avropa Parlamenti ölkənin yeganə oliqarxı olan Bidzina İvanişvilinin Gürcüstanın siyasi və iqtisadi həyatında oynadığı dağıdıcı roldan, onun hökumətə və onun qərarlarına nəzarət səviyyəsindən, o cümlədən, jurnalistlərin və siyasi rəqiblərin siyasi motivli təqibindən narahatdır. Avropa Parlamenti İvanişvilinin Kremllə şəxsi və işgüzar əlaqələrindən dərin narahatdır və bu əlaqələr Rusiyaya qarşı sanksiyalarla bağlı indiki Gürcüstan hökumətinin mövqeyini müəyyən edir; Avropa Parlamenti Avropa Şurasını və onun demokratik tərəfdaşlarını Gürcüstanda siyasi proseslərin pisləşməsində roluna görə İvanişviliyə qarşı şəxsi sanksiyaların tətbiqini nəzərdən keçirməyə çağırır".