Klinton və Yeltsin arasında GİZLİ SÖHBƏT: "Rusiyada çoxları belə düşünür..."

ABŞ-ın keçmiş prezidenti Bill Klinton Rusiyanın birinci prezidenti Boris Yeltsinlə söhbətindən danışıb. Söhbətin mövzusu NATO-nun şərqə doğru genişlənməsi olub.

Publika.az xəbər verir ki, Klinton Yeltsinin ABŞ-ın Rusiyaya zərbə endirmə ehtimalını qəbul edib-etməməsi ilə maraqlandığını vurğulayıb.

Keçmiş Ağ Ev rəhbəri bildirib ki, o, Yeltsindən Rusiya liderinin ABŞ-ın Polşadakı hərbi bazadan Rusiyanı bombalamaq üçün istifadə etmək barədə düşünüb-düşünmədiyini soruşub.

"Xeyr, amma Rusiyada çoxları belə düşünür, çünki onların tarixi yaddaşında Hitler və Napoleon var", - Klinton Yeltsinin cavabını xatırladıb.

ABŞ-ın keçmiş prezidenti əmin edib ki, dövlətlər və NATO Rusiyanı təhdid etmək istəmir və guya o, şəxsən Moskvaya təşkilata mümkün üzvlük təklif edib.

Bundan əvvəl Rusiya prezidenti Vladimir Putin Qərb ölkələrinin NATO-nu şərqə doğru genişləndirməyəcəyinə söz verərək Rusiyanı “aldatdığını” bildirmişdi. O, bunu ötən ilin yekun mətbuat konfransında "SkyNews" jurnalistinin sualını cavablandırarkən deyib.

Hüseyn İbadlı