Rusiyadan xəbərdarlıq: “NATO Rusiyanın “qırmızı xətt”ini keçdi”

“Rusiya-NATO münasibətlərindəki böhran qaçılmaz idi və yaxın perspektivdə də bu, belə qalacaq”.

Publika.az-ın İTAR-TASS xəbər agentliyinə istinadən verdiyi məlumata görə, bu sözləri Dövlət Dumasının beynəlxalq məsələlər üzrə komitə sədri Aleksey Puşkov deyib.

Onun sözlərinə görə, Rusiya və NATO münasibətlərindəki böhran hərbi ittifaqın genişlənmə ilə bağlı strategiyasına yenidən baxmaq niyyətində olmaması ilə bağlıdır.

“Rusiya, təbii ki, bu formada NATO-nun genişlənilməsini qəbul edə bilməz. NATO tamamilə sərhədlərimizdə yerləşmək istəyir və bu, bizim Qərblə münasibətlərimizdə yaranan böhranın ən əhəmiyyətli səbəblərindən biridir. Bu, Rusiya üçün “qırmızı xətdir”. Rusiya və NATO arasındakı böhran hərbi ittifaqın Şərqi Avropaya ekspansiya strategiyası fonunda qaçılmaz idi”, - Dövlət Dumasının komitə sədri bildirib.

Onun sözlərinə görə, NATO-nun genişlənmə strategiyasına yenidən baxacağını göstərən heç bir əlamət yoxdur: “Düşünürəm ki, yaxın perspektivdə münasibətlərin böhran zonasında yaşamalı olacağıq.

Ömər Dağlı