Hollandiyanın baş naziri Zelenskini Rusiya ilə danışıqlar aparmağa çağırıb

Hollandiyanın baş naziri Mark Rutte Ukrayna prezidenti Vladimir Zelenskini Rusiya ilə sülh danışıqlarına başlamaq barədə qərar qəbul etməyə çağırıb.

Publika.az xəbər verir ki , o, bu barədə Vaşinqtonda Atlantic Council Amerika analitik mərkəzində çıxışı zamanı bildirib.

Siyasətçinin sözlərinə görə, bu qərarı yalnız Zelenski Ukrayna hökuməti və xalqı ilə birlikdə verə bilər. Qərb ölkələri də bu məsələdə ona təsir göstərə bilməz.

“Gəlin bir vəziyyəti təsəvvür edək. Mən Amerika prezidentinə zəng edib deyirəm: “Salam, Co. Danışan Markdır. Belə çətin adam olma, kanadalılarla, meksikalılarla danışıqlara başla”. O, bu tələbi qəbul etməzdi”, - deyən Rutte Zelenski ilə bağlı vəziyyətin oxşar olduğunu və Ukrayna liderinin Qərb liderlərinin məsləhəti ilə rusiyalı həmkarı Vladimir Putinlə danışıqlara razı olmayacağını bildirib.

Qeyd edək ki, bir müddət öncə Ukrayna prezidentinin mətbuat katibi Sergey Nikiforov bildirib ki, Kiyev beynəlxalq hüququn prinsiplərinə uyğun olaraq, Rusiya ilə danışıqları bərpa etmək barədə ciddi düşünməyə hazırdır.

Ayşən