Prokuror Nevzorov üçün iş istədi

Jurnalist Aleksandr Nevzorovun işi üzrə Basmannı məhkəməsində prokurorluğun nümayəndəsi onun 9 il müddətində azadlıqdan məhrum edilməsini istəyib.

Publika.az xəbər verir ki, bu barədə “RİA Novosti” məlumat yayıb.

Nevzorov Rusiya Federasiyası Silahlı Qüvvələrini nüfuzdan saldığına görə mühakimə olunur.

Bundan əlavə, prokuror məhkəmədən Nevzorova dörd il müddətinə internet saytlarının və digər resursların idarəçiliyinə qadağa qoyulmasını istəyib.

Agentliyin məlumatına görə, iclasda hətta Nevzorovun vəkili də yoxdur və müttəhimin maraqlarını məhkəmənin təyin etdiyi vəkil müdafiə edir.

Müstəntiqlərin bildirdiyinə görə, Nevzorov “siyasi nifrət motivləri ilə hərəkət edərək” sosial şəbəkələrdə nəşrlər və videolar yerləşdirib. O, Ukraynanın Kiyev vilayətinin Buça şəhərində və Mariupoldakı 3 nömrəli doğum evində rus hərbçiləri tərəfindən mülki əhalinin guya qəsdən məhv edilməsi barədə “etibarlı adı altında” yalan məlumat dərc edib, daha əvvəl Rusiya Müdafiə Nazirliyi tərəfindən təkzib edilib.

İstintaq hesab edir ki, Nevzorov ədalətdən gizlənir. Təqsirləndirilən şəxs beynəlxalq axtarışa verilib. 2022-ci ilin mayında isə Basmannı məhkəməsi onun həbsinə order verib.

Qeyd edək ki, Nevzorovun mühakimə olunduğu maddə 10 ilədək həbs cəzasını nəzərdə tutur.

Ayşən