Dünya

Ermənistan Rusiyanın "sarsılmaz qardaşlığ"ına "yox" dedi: Bu ölkədə olacaq

14 Fevral 2023 13:40

KTMT-nin birgə qərargahının rəhbəri Anatoli Sidorovun sözlərinə görə, əvvəlcə Ermənistanda keçirilməsi planlaşdırılan “Sarsılmaz qardaşlıq” təlimləri Qırğızıstan ərazisində keçiriləcək.

Publika.az xəbər verir ki, bu barədə Anatoli Sidirov mətbuat konfransında bildirib.

“Son mərhələdə Qırğızıstan ərazisində KTMT-nin “Sarsılmaz Qardaşlıq” sülhməramlı qüvvələri ilə birgə təlimlərin keçirilməsi planlaşdırılır”, - deyə Sidirov qeyd edib.

KTMT-nin baş qərargah rəisi, həmçinin böhran zonasında nizamlanma və sülhməramlı əməliyyatın keçirilməsi də daxil olmaqla, işlənib hazırlanacaq tapşırıq və ssenarilərin spektrini göstərib.

Təlimlərin başqa əraziyə keçirilməsi onunla əlaqədardır ki, bundan əvvəl Ermənistanın baş naziri Nikol Paşinyan ölkədə sülhməramlı kontingentlərin təlimlərinin keçirilməsinin məqsədəuyğun olmaması barədə danışıb, bundan sonra ölkənin hərbi idarəsi KTMT-yə müvafiq müraciət ünvanlayıb.

Aydan