MAQATE-nin nümayəndələri İranda: araşdırma gedir

İranın Atom Enerjisi Təşkilatının (AEOI) rəhbəri Məhəmməd İslami Nazirlər Kabinetinin iclası zamanı bildirib ki, MAQATE rəsmiləri Tehrana gəlib və araşdırmalara başlayıblar.

Publika.az xəbər verir ki,birgə Kompleks Fəaliyyət Planının (JCPOA) bərpa olunmasının mümkünlüyünü şərh edən Eslami öhdəliklərinə sadiq qalmayan digər tərəflərin yanaşmasını tənqid edib.

“Qarşılıqlı fəaliyyət və koordinasiya vasitəsilə biz həmişə agentliyin əməkdaşlıq prosesində yeni qeyri-müəyyənliklər yaratmamağa çalışırıq”, - Eslami vurğulayıb və əlavə edib ki, JCPOA-nın əsas tərəfləri öz öhdəliklərinə əməl etməyib, xüsusən də amerikalılar əməkdaşlıq etməyiblər. Bununla yanaşı başqalarının əməkdaşlığına da imkan verməyiblər.

O, qeyd edib ki, İran İslam Respublikasının öhdəliklərini birtərəfli şəkildə yerinə yetirməsi qəbuledilməzdir.

Bundan əvvəl Beynəlxalq Atom Enerjisi Agentliyi (MAQATE) bildiriblər ki, İran uranının zənginləşdirilməsindən xəbərdardırlar və lazım gələrsə, İdarə Heyətinə məlumat verəcəklər.

Qeyd edək ki, İran MAQATE-ni nüvə obyektlərindən birində pozuntularla bağlı etibarsız hesabata görə tənqid edib. İngiltərə, Almaniya, ABŞ və Fransa İranı öhdəliklərini yerinə yetirməyə çağırıb.

Bu barədə Beynəlxalq Atom Enerjisi Agentliyinin (MAQATE) Fordodakı nüvə obyekti ilə bağlı hesabatının dərci ilə bağlı Dövlət Departamentinin mətbuat xidmətinin yaydığı birgə bəyanatda deyilir.

Ayşən