Macarıstan narazıdır: Qərbin media ilə bağlı ikili standartlarından

Macarıstanın xarici işlər naziri Peter Siyarto Aİ-nin Rusiyaya qarşı elan etdiyi 10-cu sanksiyalar paketindən danışıb.

Publika.az xəbər verir ki, xarici işlər naziri çaşqınlıq içində olduğunu bildirib.

Onun sözlərinə görə, Qərb bir tərəfdən media azadlığına çağırır, digər tərəfdən isə siyahılarda məhdudlaşdırıcı mövqe ortaya qoyur. Bu səbəbdən də, Siyarto təəccüb içində olduğunu vurğulayıb.

O vurğulayıb ki, Macarıstanda media azadlığının olmamasına görə bizi tez-tez tənqid edirlər. "Bununla belə, bu cür tənqidlərin yeganə səbəbi, Avropanın hər hansı digər hissəsindən fərqli olaraq, Macarıstanda medianın "qütbləşmiş” olmasıdır”, - ölkənin xarici işlər naziri vurğulayıb.

Siyartonun sözlərinə görə, Avropada medianın 98%-i liberaldır, qalanları başqa fikirdədir. Qeyd edildiyi kimi, Macarıstanda media təxminən bərabər şəkildə mühafizəkar və liberallara bölünür. Onun sözlərinə görə, bunu Qərb və ya “liberal əsas cərəyan” media azadlığının olmaması kimi qiymətləndirir.

Ayşən