Dünya

Gürcüstanda “Rusiya variantı"na etiraz: 36 nəfər saxlanıldı

3 Mart 2023 11:36

Gürcüstan polisi Tbilisidə parlament binası qarşısında "xarici agentlərlə bağlı" qanun layihəsinə etiraz edən 36 aksiyaçını saxlayıb.

Publika.az xəbər verir ki, bu barədə Daxili İşlər Nazirliyi məlumat yayıb.

Parlamentin komitə iclasında qanun layihəsinə baxıldıqdan sonra müxalifətin parlament qarşısında aksiyası başlayıb. Müxalifətçilər hesab edirlər ki, qanun layihəsi “Rusiya variantı"dır və ölkəni Avropa İttifaqından uzaqlaşdırır.

“İnzibati Xətalar Məcəlləsinin 173 və 166-cı maddələri ilə 36 nəfər saxlanılıb”, - deyə nazirlik bildirib.

Bir müddət əvvəl “Xalqın Gücü” müxalifət hərəkatının deputatları Gürcüstan parlamentinə “Xarici təsirin şəffaflığı haqqında” qanun layihəsi təqdim ediblər, ona əsasən, qeyri-hökumət təşkilatları, KİV və xarici ölkədən maliyyələşən qurumların reyestrinin yaradılması təklif edilir.

Ayşən