Kadırovun cins ayğırı bu ölkədə oğurlandı
Bizi izləyin
Aptekonline

Dünya

Kadırovun cins ayğırı bu ölkədə oğurlandı

Çeçenistan prezidenti Ramzan Kadırova məsxus olduğu iddia edilən, təxminən 400 min kron (təxminən 30.600 azn) olan Zazou adlı saf cins ingilis ayğırı tövlədən oğurlanıb.

Publika.az xəbər verir ki, bu barədə "İdnes" nəşri məlumat yayıb.

"Litomerice polisinə Krabçiçedəki tövlədən at oğurlanması barədə məlumat daxil olub. Oğurluq, ehtimal ki, martın 3-dən 4-nə keçən gecə baş verib. Görünür, naməlum şəxs sürüşən qapıdan karabinli təhlükəsizlik zəncirini çıxarıb və damazlıq ayğırı aparıb. İndi biz intensiv şəkildə axtarışdayıq”, - polisin mətbuat katibi Pavel Kofrova nəşrə bildirib.

Ayğırın əlamətləri belədir: 16 yaşlı saf qanlı ingilis ayğırının alnında nizamsız ağ ulduz işarəsi var, sağ arxa ayağının tibia oynağının altındakı hissəsi də ağ rəngdədir.

Məlumata görə, oğurlanan ayğır Kadırova məxsusdur.. bu ayğır və daha bir neçə at beynəlxalq sanksiyalar əsasında Çeçenistan rəhbərinin dondurulan əmlakının bir hissəsi olub.

Nəşrin yazdığına görə, bu ayğır 2012-ci ildə alınıb, uğurlu yarış karyerası olub.

Ayşən

Teqlər
Oxumağa davam et
Reklam
Reklam

Gündəm

Aptekonline