Neft anbarlarını PUA-lardan özünüz qoruyun

Vətəndaşlar dronları gördükləri barədə təcili yardım xidmətlərinə məlumat verməlidirlər, bunun üçün ayrıca qısa nömrə və ya qaynar xətt yaradıla bilər.

Publika.az axar.az-a istinadən xəbər verir ki, bunu Rusiya Dövlət Dumasının Müdafiə Komitəsinin rəhbəri Andrey Kartapolov Kremlə PUA hücumu barədə danışarkən deyib.

“Biz ayrıca kanal yaratmalıyıq ki, uçan dronlar barədə məlumat daha tez çatsın. Bir növ qısa nömrəyə, qaynar xəttə ehtiyacımız var ki, insan zəng edə bilsin və məlumat dərhal lazımi yerə çatsın", - o bildirib.

O, mayın 3-nə keçən gecə Kremlə uçan PUA-ların Moskva vilayətində müşahidə edildiyi barədə xəbərləri misal çəkib:

"Hadisə şahidləri məlumatı fövqəladə hallar xidmətinə ötürüblər, lakin onlar xəbərin yalan olduğuna qərar veriblər və vaxtında cavab verməyiblər".

"Müdafiə komitəsinin rəhbəri həmçinin vurğulayıb ki, neft anbarları kimi mühüm obyektlərə sahib olan şirkətlər pilotsuz təyyarələrin hücumlarına qarşı müstəqil şəkildə müdafiəni təmin etməlidir. Bunun üçün onlar layihəyə müvafiq düzəlişlər edərək, belə obyektlərin layihələndirilməsi və tikintisi mərhələsində pilotsuz təyyarələrlə elektron müharibə sistemlərinin quraşdırılmasını təmin etməlidirlər", - Kartapolov qeyd edib.

Artan PUA hücumları fonunda Kartapolov dövlət sərhədlərinin mühafizəsinə könüllülərin cəlb edilməsini də təklif edib.