Dünya

Kanadada meşə yanğınları: Alovların tüstüsü ABŞ-yə çatdı

13 May 2023 04:04

Mayın 6-da Kanadanın qərbindəki Alberta ştatında başlayan və daha sonra Britaniya Kolumbiyası bölgəsinə yayılan meşə yanğınları nəticəsində yüksələn tüstü ABŞ-yə çatıb.

Publika.az xəbər verir ki, ABŞ-nin Milli Hidrometeorologiya Xidməti bildirib ki, Kanadada meşə yanğınlarından çıxan və atmosferin yuxarı qatında dayanmış tüstü Vaşinqtonda havanın alatoranlığa bənzəməsinə səbəb olub.

Səlahiyyətlilər Kanadanın Alberta ştatındakı meşə yanğınlarından 23-nün nəzarətdən çıxdığını və yanğınların 75 nöqtədə davam etdiyini bildirib.

Rəsmilər qeyd ediblər ki, 300 əsgər yanğınsöndürənlərə dəstək olmaq üçün havadan və qurudan yanğınların qarşısını almağa kömək edəcək.

Yanğınlar 6000-dən çox şagirdə təsir etdiyi üçün 28 məktəbdə təhsil dayandırılıb.

Qeyd edək ki, Kanadada mayın 6-dan başlayan meşə yanğınları səbəbi ilə 29 min sakin təxliyə edilib. Alberta ştatında fövqəladə vəziyyət elan olunub.