Dünya

Danimarka müdafiə büdcəsini üç dəfə artıracaq

30 May 2023 17:36

Danimarka hökuməti elan edib ki, Rusiya qoşunlarının Ukraynaya daxil olması səbəbindən qarşıdakı 10 il ərzində müdafiə büdcəsini üç dəfə artıracaq.

Publika.az xəbər verir ki, bu bu barədə "AFP" məlumat yayıb.

Danimarka NATO-nun 2030-cu ilə qədər ümumi daxili məhsulunun iki faizini orduya xərcləmək məqsədini yerinə yetirməyə hazırlaşır. Alyansın 30 üzvündən bir neçəsinin nail olduğu məqsəd budur.

"Hökumət növbəti 10 il ərzində təxminən 143 milyard kron (20,5 milyard dollar) ayırmaqla Danimarkanın müdafiəsini və təhlükəsizliyini əhəmiyyətli dərəcədə gücləndirmək istəyir", - müdafiə naziri Troels Lund Poulsen açıqlamasında bildirib.

2024-cü ildə avadanlıq, kadr və infrastruktura investisiyalar 6,9 milyard kron, 2033-cü ildə isə 19,2 milyard kron təşkil edəcək.

Məlumata görə, Danimarka hazırda ÜDM-nin 1,38 faizini müdafiəyə xərcləyir.

Ayşən