Polşa rusiyapərəstlərə qarşı komissiya yaradır - Aİ qəzəbləndi

Avropa İttifaqı Rusiyanın təsirinin araşdırılmasına dair Polşa qanunu ilə bağlı hüquqi addımlar ata bilər.

Bununla müxalifətçilərin dövlət vəzifələrində işləməsi qadağan edilir.

Publika.az xəbər verir ki, bu barədə “Politico” yazır.

ABŞ və Polşa müxalifətinin daha əvvəl hakim olan Hüquq və Ədalət (PiS) partiyasının ilin sonunda keçiriləcək seçkilər ərəfəsində siyasi rəqiblərini qorxutmaq üçün qanundan istifadə edə biləcəyi ilə bağlı səsləndirdiyi tənqidlərə Aİ də qoşulub.

Avropa Komissiyasının dəyərlər və şəffaflıq üzrə vitse-prezidenti Vera Yurova deyib: "Sizi əmin edə bilərəm ki, lazım gələrsə, biz belə bir tədbir üçün yeri gəldikdə, dərhal addım atmaqdan çəkinməyəcəyik".

Yurova Aİ nazirlərinin Brüsseldə keçirilən iclası çərçivəsində komissiyanın qanunun aliliyinin mümkün pozuntuları ilə əlaqədar Polşa və Macarıstana qarşı davam edən işlərinə dair mübahisəli qanundan danışıb.

"İndi xüsusilə Polşadakı vəziyyətdən narahatıq. Buna səbəb vətəndaşları dövlət vəzifələrinə seçilmək hüququndan məhrum edə biləcək xüsusi komissiyadır”,- o bildirib.

Brüssel və Varşava dəfələrlə demokratik prinsiplər üzərində toqquşublar. Avropa Komissiyası Polşa hökumətinin məhkəmə sisteminin müstəqilliyini sərhədləməsi qorxusundan dolayı Aİ fondlarından milyonlarla avronu bloklayıb.

Qeyd edək ki, qanun Kremlin təsiri altında fəaliyyət göstərməkdə təqsirli bilinən şəxslərin on il ərzində dövlət vəsaitlərinin xərclənməsi ilə bağlı vəzifələrdə işləməsini qadağan edə biləcək komissiyanın yaradılmasını nəzərdə tutur. Bu, faktiki olaraq onları namizəd olmaq imkanından məhrum edir.

Bildirilir ki, 9 nəfərdən ibarət komissiya PiS-in cüzi səs çoxluğuna sahib olduğu Parlament tərəfindən seçiləcək. Onun hökmləri qəti olacaq. Reyndersin sözlərinə görə, komissiya “hər hansı məhkəmə nəzarəti imkanı olmadan inzibati qərarla” vətəndaşların dövlət vəzifələrində işləməsini qadağan edə biləcək.

Ayşən