Hakan Fidan onlarla bu tarixdə görüşəcək
Bizi izləyin

Dünya

Hakan Fidan onlarla bu tarixdə görüşəcək

Hakan Fidan onlarla bu tarixdə görüşəcək

Türkiyə, İsveç və Finlandiya xarici işlər nazirləri NATO sammiti ərəfəsində Brüsseldə görüşəcəklər.

Publika.az xəbər verir ki, bu barədə Finlandiyanın xarici işlər naziri Elina Valtonen məlumat verib.

Bildirilir ki, iyulun 11-12-də Vilnüsdə NATO-nun sammiti keçiriləcək.

"NATO-nun baş katibi Yens Stoltenberqin dəvəti ilə Türkiyə, İsveç, Finlandiya xarici işlər nazirlərinin Brüsseldə keçiriləcək toplantısında iştirak edəcəyəm. Türkiyənin Xarici İşlər Naziri cənab Hakan Fidanla çox gözəl söhbətimiz baş tutdu. Buna görə ona təşəkkür edirəm",- Valtonen deyib.

Nazir bu görüşün üçtərəfli memorandum çərçivəsində keçirilib-keçirilməyəcəyini dəqiqləşdirməyib.

Xatırladaq ki, 2022-ci ilin iyununda Madriddə imzalanmış üçtərəfli memorandumda Türkiyə, Finlandiya və İsveç Memorandumun icrasına nəzarət etmək və ümumi təhlükəsizlik sahəsində əməkdaşlığı genişləndirmək üçün Daimi Birgə Mexanizm yaratmaq barədə razılığa gəliblər.

Ayşən

Teqlər
Oxumağa davam et
Reklam
Reklam

Gündəm

Zəfaran Hospital
Səba