Sanksiya bu ölkənin işinə yarayıb: Rusiyadan o qədər qızıl alıb ki...

Rusiyaya qarşı sanksiyaların sərtləşdirilməsindən sonra (buraya qızıl da daxil idi) Honkonq Rusiya müəssisələri üçün əla alternativ olub.

Publika.az xəbər verir ki, bu barədə Rusiya-Asiya Sənayeçilər və Sahibkarlar İttifaqının Ümumrusiya ictimai təşkilatının Telegram kanalı məlumat verib.

Honkonq hökumətinin Siyahıyaalma və Statistika Departamentinin məlumatına görə, Rusiyadan ölkəyə qızıl tədarükü son 11 ildə rekord həddə çatıb - 2023-cü ilin 10 ayı ərzində 5,31 milyard dollar. Beləliklə, Rusiya qızılının Honkonqa tədarükü 625,8% və ya 5 dəfə artıb. Təkcə oktyabr ayında 527% artaraq 987,6 milyon dollara çatıb.

Materialda qeyd olunur ki, əvvəllər Rusiya qızılının əsas alıcısı ildə 250 tondan çox qızıl alan Böyük Britaniya olub. “Honkonqdan “sanksiya məruz qalmış” Rusiya qızılının iki istiqamətdə getdiyini güman etmək üçün bütün əsaslar var - Çinin qızıl ehtiyatlarını dollarla aktivlərin həcminin azalması fonunda və əlbəttə ki, Qərbə tranziti doldurmaq üçün”, - materialda deyilir.

Tural