Miçotakisdən kritik Türkiyə açıqlaması: Heç bir əsas yoxdur

Yunanıstanın baş naziri Kiriakos Miçotakis Türkiyə ilə Yunanıstan arasında münasibətlərdə sabitliyin qorunmasının xalqın xeyrinə olacağını bildirib.

Publika.az xəbər verir ki, Macarıstanın paytaxtı Budapeştdə keçirilən Aİ-nin qeyri-rəsmi zirvə toplantısının ardından mətbuat konfransı təşkil edən Miçotakis Avropa İttifaqına sədrlik dövrü ilə bağlı Türkiyə-Yunanıstan əlaqələri haqda sualları cavablandırıb.

Budapeştdə prezident Rəcəb Tayyib Ərdoğanla qeyri-rəsmi görüşünə toxunan Miçotakis iki ölkə arasındakı münasibətlərdə normallaşma məqsədinin əsas olduğunu bildirib.

Xarici işlər naziri Hakan Fidan və Yunanıstanın xarici işlər naziri Yorgos Yerapetritis arasında Afinada keçirilən görüşə toxunan Miçotakis görüşün müsbət atmosferdə keçdiyini, lakin hələ də fundamental məsələlərdə razılığa gəlmək üçün heç bir əsasın olmadığını bildirib.

Baş nazir Donald Trampın ABŞ-da yenidən prezident seçilməsinin Avropa üçün əhəmiyyətini vurğulayaraq, Avropa ölkələri və Yunanıstanın ABŞ-la münasibətlərdə daha çox məsuliyyət daşımalı olduğunu vurğulayıb.

Aysel Şahmar