Rəsmi Tehranın Suriya ilə əlaqəsi kəsilib – Mövcud administrasiya ilə...

İran Xarici İşlər Nazirliyi Suriyadakı mövcud administrasiya ilə birbaşa əlaqələrinin olmadığını bildirib.

Publika.az xəbər verir ki, bu barədə İran Xarici İşlər Nazirliyinin sözçüsü İsmayıl Bekayi həftəlik mətbuat konfransında bildirib.

Bekayi İranın Suriyaya əvvəlki müdaxiləsinin terrorla mübarizə məqsədi daşıdığını qeyd edib: “Biz keçmişdə bəzi qruplarla əlaqə saxlayırdıq. Lakin bizim Suriyadakı hazırkı administrasiya ilə birbaşa əlaqəmiz yoxdur”.

O, həmçinin Türkiyə ilə Suriya mövzusunda fikir mübadiləsi apardıqlarını deyib: “Bölgədə və Suriyada baş verən proseslərdə iştirak edən hər bir aktor və tərəfin hadisələrlə bağlı özünəməxsus mövqeyi var. Lakin bu mövqelərin hamısı bizim tərəfimizdən qəbul edilməməlidir”.

Bekayi son olaraq Suriyada İran vətəndaşının olmadığını da əlavə edib:

“Suriyadakı qeyri-müəyyənliyə görə vətəndaşlarımızın ora getmələrini tövsiyə etmirik. Diplomatlarımız və hərbi müşavirlərimiz Suriyanı tərk ediblər. Hazırda Suriyada İran vətəndaşı olduğunu zənn etmirəm”.

Roza