Dünya

İrandan Makronun bəyanatına REAKSİYA: Yanıldıcı, ziddiyyətli və spekulyativ mövqe...

8 Yanvar 2025 17:17

Rəsmi Tehran Fransa prezidenti Emmanuel Makronun İranın Yaxın Şərqdə əsas təhlükəsizlik və strateji təhdid olması ilə bağlı açıqlamalarını “yanıldıcı” adlandırıb.

Publika.az xəbər verir ki, bu barədə İran Xarici İşlər Nazirliyinin sözçüsü İsmayıl Bekayi açıqlama verib.

O, Makronun açıqlamalarını yanıldıcı, ziddiyyətli və spekulyasiyaya əsaslanan mövqe kimi qiymətləndirib.

Bekayi Fransanı regionda sülh və sabitliyə yönəlmiş qeyri-konstruktiv yanaşmalarını nəzərdən keçirməyə çağırıb. Həmçinin Makronun İranın nüvə proqramı ilə bağlı açıqlamalarını “əsassız” adlandırıb.

O, İranın nüvə proqramının sülh xarakteri daşıdığını və beynəlxalq hüquqa uyğun olaraq həyata keçirildiyini vurğulayıb.

Qeyd edək ki, Makron Fransa səfirləri qarşısında çıxışında “İran Fransa, avropalılar, bütün region və ondan kənar üçün əsas strateji və təhlükəsizlik problemidir”, - deyə bildirib.

Roza