Dünya

Ruslar Ukraynanın bu ərazilərindən çıxarıla bilməz - Trampdan etiraf

13 Yanvar 2025 14:06

ABŞ-ın yeni seçilmiş prezidenti Donald Tramp rusların Ukraynanın keçmiş ərazilərindən çıxarılmasının qeyri-real olduğunu etiraf edib.

Publika.az xəbər verir ki, bu haqda onun milli təhlükəsizlik müşaviri Mayk Vals bildirib.

“Rusları bir-bir Ukrayna torpağından, o cümlədən Krımdan köçürməyin mümkünlüyünü söyləmək qeyri-realdır. Tramp bu reallığı tanıdı və düşünürəm ki, bütün dünya bunu tanımalıdır", - deyə Vals qeyd edib.

Müşavir həmçinin Rusiya və Ukrayna arasında münaqişənin diplomatiya yolu ilə dayandırılmasına və bütün dünyanı cəlb edə biləcək gərginliyin qarşısının alınmasına diqqət yetirməyə çağırıb. Onun sözlərinə görə, ilk addım atəşkəs olmalıdır ki, bu da danışıqlar prosesinin başlanmasına imkan verəcək.

Trampla Rusiya prezidenti Vladimir Putin arasında mümkün görüşdən danışan Vals, bu görüşə hazırlıqların tam sürətlə getdiyini vurğulayıb.

Adəm