Bu halda Rusiya təhlükəsizlik şəbəkəsi əldə edəcək: Aİ nə düşünür?

Kreml və Ağ Ev arasında danışıqlar davam edir, Avropa İttifaqı (Aİ) isə kənarda qalır və ticarət tariflərinin tətbiqi səbəbindən münasibətlər daha da mürəkkəbləşir.

Publika.az xəbər verir ki, bu barədə “RİA Novosti” məlumat yayıb.

Bildirilir ki, Rusiya aktivləri hələ də "Euroclear" sistemində dondurulur və onlardan əldə olunan gəlirlər Kiyevə ötürülür. Bununla belə, Aİ hüquqi və maliyyə nəticələri ilə üzləşdiyi üçün Rusiya aktivlərinin tam şəkildə mənimsənilməsi əvvəlki kimi deyil.

Qeyd olunur ki, Aİ Mərkəzi Bankın aktivlərinə həbs qoyulmasının beynəlxalq hüquqa zidd olduğunu və maliyyə sabitliyini təhdid etdiyini qəbul edir. Bəzi müşahidəçilər hesab edir ki, aktivlərin qismən dondurulması və ya daha az sərt sanksiyaların tətbiqi mümkündür.

"Tamamilə müsadirə beynəlxalq maliyyə sistemi və ehtiyat valyutalar üçün təhlükəlidir. Tam dondurulma radikal geosiyasi dəyişikliklər tələb edir. Çox güman ki, bloklanmış vəziyyətdə əsas məbləği saxlamaqla aktivlərdən əldə edilən gəlirdən qismən istifadə kimi aralıq variant həyata keçiriləcək" - iqtisadçı ekspert Marsel Kirlan deyib.

Nəşr həmçinin qeyd edib ki, uğurlu variant aktivlərin dondurulmasından itkilərin qismən kompensasiyası ola bilər.

Bildirilir ki, Rusiyanın qızıl ehtiyatları rekord həddə çatıb və bu da itkiləri qismən kompensasiya edəcək. Lakin tənzimləyici çox güman ki, bu vəsaitlərdən istifadə etməyi planlaşdırmır, çünki onlar ölkənin maliyyə sabitliyinin təminatı rolunu oynayır və milli valyutaya dəstək verir. Aktivlər dondurulmazsa, Rusiya əhəmiyyətli maliyyə təhlükəsizlik şəbəkəsi əldə edəcək.

Adəm Abbaslı