"Titan" batiskafı fəlakətinin səbəbləri məlum oldu

Atlantik okeanın şimal qütbündə suyun altına dalan zaman batan "Titan" batiskafı (sualtı qayıq) faciəsinin əsas günahkarı Amerikanın "OceanGate" şirkətidir.

Publika.az xəbər verir ki, bu barədə ABŞ Sahil Mühafizəsinin Dəniz Təhqiqat Şurasının (MBI) hesabatında deyilir.

"Problemə səbəb olan əsas amillər "OceanGate"in "Titan" gəmisi üçün qeyri-adekvat dizayn, sertifikatlaşdırma, texniki xidmət və yoxlama prosedurları idi", - hesaabatda deyilir.

Hesabatda həmçinin şirkətin “zəhərli korporativ mədəniyyətə” malik olduğu bildirilir. Həmçinin sualtı əməliyyatlar və yeni gəmi konstruksiyaları üçün zəif tənzimləyici bazanın olması və Dənizçilərin Hüquqlarının Müdafiəsi Aktı çərçivəsində pozuntular barədə səmərəsiz hesabatı ilə bağlı məlumat verilib.

Araşdırma zamanı müəyyən edilib ki, şirkət "Titanik"ə ekspedisiyadan sonra lazımi araşdırma aparmayıb və batiskafın gövdəsindəki qüsurları düzəltməyib.

"Titan" MBI-nin sədri Ceyson Neubauer dəniz fəlakətinin qarşısının alına biləcəyini əmin edib.

Sualtı qayıq 2023-cü ilin iyununda itib. O, "Titanik"in dağıntılarına doğru dalış edən beş sərnişini daşıyırdı. Faciənin səbəbi yüksək təzyiq, mümkün depressurizasiya və sonrakı partlayış - içəriyə doğru yönəldilmiş partlayış idi.

Sentyabr ayında ABŞ səlahiyyətliləri "Titan" sualtı gəmisinin qalıqlarının ilk fotoşəkillərini yayımlayıb. Batan sualtı qayığın arxa hissəsini əks etdirən görüntülər qəzadan sonra dördüncü gündə çəkilib.

Hüseyn İbadlı