Prezident seçkilərində iştirakıma mane olsalar, bunu edəcəyəm - İmamoğlu

Həbsdə olan İstanbul Böyükşəhər Bələdiyyəsinin sabiq sədri Əkrəm İmamoğlu prezidentliyə namizədliyi ilə bağlı mühüm açıqlamalar verib.

Publika.az xəbər verir ki, “Bloomberg”ə danışan İmamoğlu növbəti seçkilərdə iştirakına rəsmi şəkildə mane olunarsa, demokratik müxalifətin yenidən birləşməsi üçün başqa bir namizədi dəstəkləməyə hazır olduğunu bildirib.

“Realistəm. Əgər namizədliyim əngəllənsə, bizim ədalət, firavanlıq, sülh baxışımızı eyni qətiyyətlə davam etdirəcək bir ad ortaya çıxmalıdır”, - o vurğulayıb.

Siyasətçi CHP-yə qarşı hüquqi müdaxilə cəhdlərinə də diqqət çəkərək, belə hallara qətiyyətlə cavab verəcəklərini deyib. Avropa siyasətini tənqid edən İmamoğlu, bəzi ölkələrin insan haqları və qanunun aliliyini müdafiə etdiklərini iddia etsələr də, Türkiyədəki vəziyyət qarşısında susduqlarını bildirib.

Həbsinə səbəb olan ittihamları rədd edən İmamoğlu, diplomunun ləğvini isə “absurd” adlandırıb və bunu namizədliyinə mane olmaq üçün “aydın cəhd” kimi qiymətləndirib.

Roza