Hindistanın hərbi gəmisi Cənubi Kiprə gəldi: Bölgədə nə gözlənilir?

Hindistan Hərbi Dəniz Qüvvələrinə məxsus “INS Trikand” hərbi gəmisi Cənubi Kipr Rum Administrasiyası (GCASC) Dəniz Qüvvələri ilə birgə təlim keçirmək üçün adaya gəlib.

Publika.az xəbər verir ki, Rum mətbuatında yer alan xəbərlərə görə, “Talvar” sinfinə aid idarə olunan raket freqatı “INS Trikand” Limassol şəhərinə gəlib və limanda lövbər salıb.

Hindistan döyüş gəmisinin sentyabrın 23-də ictimaiyyətə açıldıqdan və sentyabrın 24-də Cənubi Kipr Rum Hərbi Dəniz Qüvvələri Administrasiyası ilə birgə keçid təliminə (PASSEX) qatıldıqdan sonra bölgəni tərk etməsi gözlənilir.

Bəzi Rum qəzetləri mövzu ilə əlaqədar olaraq Cənubi Kipr və Hindistanın Rum Administrasiyasına aid bir gəmi ilə Yunan Donanmasına aid bir gəminin təlimdə iştirak edəcəyini yazıb.

Hindistan hərbi gəmisinin səfəri Hindistanın baş naziri Narendra Modinin iyun ayında Cənubi Kiprə səfəri zamanı razılaşdırılmış müdafiə əməkdaşlığı, birgə dəniz təlimləri və Hindistan hərbi gəmilərinin Kipr limanlarına səfərlərinin bir hissəsi hesab olunur.

Tural