Kreml hazırdır: Putin Trampın “Ukrayna planı”nı qəbul edir

Rusiya prezidenti Vladimir Putin Ankoricdə amerikalı həmkarı Donald Trampla görüşü zamanı Moskvanın ABŞ- ın Ukrayna münaqişəsinin həlli planını qəbul etməyə hazır olduğunu təsdiqləyib .

Publika.az xəbər verir ki, bunu Rusiyanın xarici işlər naziri Sergey Lavrov Macarıstanın "Ultrahang" YouTube kanalına müsahibəsində deyib.

Onun sözlərinə görə, Alyaska sammitindən əvvəl Trampın xüsusi nümayəndəsi Stiven Vitkoff Vaşinqtonun Ukrayna ilə bağlı təkliflərini Moskvaya gətirib və Rusiya tərəfi tərəfindən diqqətlə nəzərdən keçirilib. Görüşdə isə Putin konsepsiyanın hər bir elementini təfərrüatı ilə təkrarladı və eyni zamanda Vitkoffun məlumatını təsdiqlədi.

“Hər şey təsdiqləndi. Daha sonra Putin bəyan edib ki, Kreml onların konsepsiyasını qəbul etməyə və təklif olunan əsasda praktiki baxımdan irəliləməyə hazırdır”, - Lavrov bildirib.

Oktyabrın 16-da Rusiya və ABŞ prezidentləri arasında iki saatlıq söhbət olub . Tramp bildirib ki, dialoq zamanı “böyük irəliləyiş” əldə olunub. O, həmçinin Putinlə ikinci görüşü bu dəfə Macarıstanın paytaxtı Budapeştdə keçirməyə razı olduğunu bildirib.

Amma sonradan Tramp Putinin heç nə ilə razılaşmadığını deyərək, onunla görüşməyin mənasız olduğunu bildirib.

Tural