ABŞ “Gecə ovçuları”nı bu bölgəyə yerləşdirdi - Müharibə başlayır?

ABŞ ordusunun ən elit helikopter birliklərindən olan “Gecə ovçuları” (Night Stalkers) Venesuela sahilləri yaxınlığında müşahidə olunub.

Publika.az xəbər verir ki, hadisə Vaşinqtonun Venesuela prezidenti Nikolas Maduroya qarşı hərbi müdaxilə ehtimalı ilə bağlı narahatlıqları artırıb.

ABŞ ordusunun gizli 160-cı Xüsusi Əməliyyatlar Aviasiya Alayının (SOAR) tərkibinə daxil olan bu bölmə əvvəllər Üsamə bin Ladenin dəstəkləndiyi əməliyyatlar, Somalidə Moqadişu münaqişəsi və Panamada Noryeqanın devrilməsi kimi missiyalarda iştirak edib. Bölmənin qeyri-rəsmi şüarı “Qaranlıqda Ölüm” kimi tanınır.

Məlumata görə, “Night Stalkers”ə məxsus MH-6 Little Bird və Black Hawk helikopterləri Venesuela sahillərindən təxminən 150 kilometr aralı, Karib dənizində müşahidə edilib. Bu fəaliyyət daha geniş ABŞ hərbi yerləşdirilməsi - B-52 bombardmançıları və F-35 qırıcıları ilə müşayiət olunan əməliyyatların bir hissəsi kimi qiymətləndirilir.

Venesuelanın keçmiş lideri Uqo Çavezin məsləhətçilərindən Eva Qolinqer isə ABŞ-ın hərbi müdaxilə ehtimalının artıq 75%-i keçdiyini iddia edib və “istənilən vaxt gecə yarısı mesajı ilə hücum xəbəri ala bilərik” deyə bildirib.

Roza