Üçüncü Dünya müharibəsinə səbəb ola biləcək MƏQAMLAR

Hazırda dünyada baş verən siyasi təlatümlər Üçüncü Dünya müharibəsinin başlanması haqqında fərziyyələrə səbəb olur. Müxtəlif təşkilatlar və təhlil mərkəzləri böyük dövlətlər arasında münaqişəyə səbəb ola biləcək beş kritik məqamı müəyyən ediblər.

Publika.az az xəbər verir ki, bu barədə Müharibə Araşdırmaları İnstitutu (ISW) hesabat dərc edib.

Hesabata əsasən, sözügedən məqamları təqdim edirik:

Tayvan boğazı

Hesabata görə, Çinin Tayvan ətrafında hərbi fəaliyyətləri güclənib. Bu da bunun qəsdən və ya təsadüfi münaqişə riskini artırır.

Ukrayna müharibəsi və NATO sərhədi

Ukraynadakı müharibə Rusiya ilə Qərb arasında gərginliyi yüksək səviyyədə saxlayır. Böyük Britaniya Müdafiə Nazirliyi bu yaxınlarda Rusiyanın bəzi hərəkətlərinin NATO ilə birbaşa münaqişə riski yaratdığını bildirib. Bununla paralel olaraq, NATO Kremlin hava məkanını pozmasına və digər hərbi manevrlərə cavab olaraq şərq cinahını gücləndirib.

İsrail-İran gərginliyi

İsrail və İran arasındakı strateji rəqabət Yaxın Şərqdə bir çox cəbhədə yayılır. Yaxınlaşan eskalasiya ilə bağlı rəsmi xəbərdarlıqlar olmasa da, İranın nüvə obyektlərinə yeni hücum və ya İsrailə qarşı birbaşa İran əməliyyatı digər gücləri cəlb edə biləcək regional münaqişəyə səbəb ola bilər.

Koreya yarımadası

Birləşmiş Millətlər Təşkilatı və ABŞ Dövlət Departamenti dəfələrlə Şimali Koreyanın ballistik raketlər və nüvə silahları inkişaf etdirməyə davam etdiyi barədə xəbərdarlıq edib. Cənubi Koreya-ABŞ birgə hərbi təlimləri Şərqi Asiyanın sabitliyini təhdid edir.

Hindistan və Çin: Himalay sərhədi

Son illərdə Himalay dağları Hindistan və Çin hərbi qarşıdurmalarının tez-tez baş verdiyi məkana çevrilib. Hər iki ölkə həll olunmamış sərhəd mübahisələrini etiraf edir. Rəsmi məlumatlar qaçılmaz müharibə ehtimalını göstərməsə də hər iki ölkənin nüvə arsenalı hətta ən kiçik sərhəd hadisəsini belə ciddi strateji riskə çevirir.

Roza