Yenə də bu ölkədə: Ana və iki aylıq körpəsini cadugərlikdə ittiham edib yandırdılar
Bizi izləyin
Aptekonline

Dünya

Yenə də bu ölkədə: Ana və iki aylıq körpəsini cadugərlikdə ittiham edib yandırdılar

Hindistanda cadugərlikdə ittiham olunan ana və uşaq yandırılaraq öldürülüb.

Publika.az xəbər verir ki, bu barədə "The Hindu" qəzeti məlumat yayıb.

Hadisə 17 fevral axşamı Carxand ştatının Vest Sinqhbhum şəhərində baş verib. Polis dörd şübhəlini həbs edib.

Zərərçəkənin əri bildirib ki, 32 yaşlı arvadı uzun müddətdir ağır xəstəliklə mübarizə aparan, lakin sağ qalmayan həmkəndlisinin qohumları tərəfindən cadugərlikdə ittiham olunub.

Saat 21:00 radələrində on nəfərlik bir izdiham dörd nəfərlik ailənin yatdığı evə soxulub. Onlar cütlüyü oyadıb, iki aylıq körpəsini qucağında saxlayan qadının üzərinə kerosin töküb yandırdılar.

Qurbanın əri izdihamı sakitləşdirməyə çalışıb, amma nəticəsi olmayıb. O da yanıq xəsarətləri alıb.

"Bu işlə əlaqədar dörd nəfəri həbs etdik və istintaq davam edir", - deyə polis rəisi bildirib.

Tural

Oxumağa davam et
Reklam
Reklam

Gündəm

Aptekonline