Trampın Ərdoğana Ankarada hansı “xoş xəbər”i çatdıracağı bəlli oldu

ABŞ prezidenti Donald Tramp Türkiyəyə səfəri zamanı həmkarı Rəcəb Tayyib Ərdoğana Amerika F-35 qırıcı təyyarələrinin Ankaraya satışına icazə vermək istəyi barədə məlumat verə bilər.

Publika.az xəbər verir ki, bu barədə “The New York Times” (NYT) mənbələrə istinadən məlumat yayıb.

Qəzet dörd Amerika rəsmisinin sözlərinə istinadən bildirib:

"Trampın mövqeyində dəyişiklik etməsi, bu həftə Ankarada keçiriləcək NATO sammitinə getməsi və Ərdoğanı "çox məmnun edəcək" bir hədiyyə aparmağa hazırlaşdığını bildirməsi Konqresdə müqavimətlə üzləşə bilər. Rəsmilər Trampın Konqresin məhdudiyyətlərini necə aşmağa çalışacağı barədə bir qədər fikir ayrılığına malikdirlər. Onlar onun bu xoş xəbəri Ərdoğana bildirəcəyini gözləyirlər, baxmayaraq ki, bunun nə vaxt baş verəcəyi hələlik bəlli deyil".

Eyni zamanda, mənbələr Trampın "hətta öz işçiləri üçün belə gözlənilməz" olduğu üçün fikrini dəyişə biləcəyi ehtimalını da istisna etməyiblər. Bununla belə, ABŞ administrasiyasının rəsmiləri hər iki ölkənin prezidentlərinin "prosesə başlamaq üçün bu məsələ ilə bağlı məktub mübadiləsi apara" biləcəklərini irəli sürüblər.

Müəllif: Tural