Dünya

Hindistan Rusiya nümayəndəsini XİN-ə çağırdı, tapşırdı ki...

21 İyul 2026 13:36

Rusiyanın müvəqqəti işlər vəkili Vladimir Ladanov Hindistan Xarici İşlər Nazirliyinə çağırılıb.

Publika.az xəbər verir ki, bu barədə "Hindustan Times" qəzeti məlumat yayıb.

Hindistan, Rusiyanın Ukrayna sahillərində ticarət gəmisinə hücumunu "birmənalı şəkildə pislədiyini" bildirmək üçün yüksək vəzifəli rus diplomatını çağırıb. Bu hücum nəticəsində dörd hindistanlı heyət üzvü də daxil olmaqla 10 nəfər həlak olub.

Bu, Rusiya-Ukrayna münaqişəsində hind dənizçilərinin ilk ölümüdür. Ladanov Rusiya səfiri Yeni Dehlidə olmadığı müddətdə çağırılıb.

Hindistan tərəfi vurğulayıb ki, "bu cür hücumlar beynəlxalq dəniz ticarətinin təhlükəsizliyini, etibarlılığını və sabitliyini sarsıdır".

Diplomata "ticarət gəmilərinin atəşə tutulması və nəticədə günahsız mülki şəxslərin ölümünün qəbuledilməz olduğu və dayandırılmalı olduğu barədə ciddi narahatlıqlarını Rusiya hakimiyyətinə çatdırmaq" tapşırılıb.

Müəllif: Tural