Rusiyanın “keçilməz” HHM-si necə yarılır? - Ukrayna dronlarının sirri açıqlandı

“Le Monde” Ukraynanın uzaqmənzilli dronlarının Rusiya hava hücumundan müdafiəsini necə keçdiyini araşdırıb.

Publika.az nəşrə istinadla xəbər verir ki, Ukraynanın FP-1 dronlarının uçuş məsafəsi 1600 kilometrdən 3400 kilometrə qədər artırılıb. Sadə konstruksiya və kütləvi istehsal isə onların əsas üstünlüklərindəndir.

“Fire Point” şirkəti 2025-ci ilin sonunda gündə 200, ayda 3000 dron istehsal etdiyini açıqlayıb.

Ekspertlər bildirirlər ki, dronların aşağı sürəti və nisbətən kiçik radar izi onları bəzi HHM sistemləri üçün daha çətin hədəfə çevirir. Bundan əlavə, Rusiyanın geniş ərazisinin bütün istiqamətlərdə effektiv müdafiəsi çətinləşir.

Bəzi Ukrayna dronlarında kompüter görməsi texnologiyasından istifadə edildiyi və onların GPS və rabitə siqnalları olmadan uçuş marşrutunu düzəldə bildiyi bildirilir.

Bununla belə, qeyd olunub ki, dronların zərbə gücü raketlərlə müqayisədə daha məhduddur. Buna görə də uzaqmənzilli dronlar Ukraynanın əsas silahlarından birinə çevrilsə də, raketləri tam əvəz edə bilmir.

Akqabay