Dünya
ABŞ-dan Ukraynaya ağır ittiham: Rusiyanı vurursan, neft və benzin bahalaşır
ABŞ-ın maliyyə naziri Skott Bessent Ukraynanın Rusiyanın neft infrastrukturuna zərbələrinin qlobal enerji bazarında şok yaratdığını və yanacağın bahalaşmasına səbəb olduğunu bildirib.
Publika.az xəbər verir ki, bu barədə “The New York Times” məlumat yayıb.
Bessent Rusiya maliyyə naziri Anton Siluanovla G20 maliyyə nazirlərinin sammiti çərçivəsində keçirilən ikitərəfli görüşdən sonra “Fox News”a açıqlamasında bildirib ki, enerji bazarındakı böhran həm Ukraynadakı müharibə, həm də İran ətrafındakı qarşıdurma ilə bağlıdır.
“Hazırda enerji şoku yaşayırıq. Ukrayna Rusiyanın enerji aktivlərini və neft məhsullarını vurmaq qərarına gəlib və bu, qlobal miqyasda qiymətlərin artmasına təzyiq yaradır”, - Bessent deyib.
Onun sözlərinə görə, qlobal bazarda “Brent” markalı neftin qiyməti təxminən 97 dollara yüksəlib, ABŞ-da isə dizel yanacağının qiyməti rekord həddə yaxınlaşıb.
Bessent Rusiya ilə Ukrayna arasındakı münaqişənin həlli üçün Moskva ilə birbaşa dialoqun vacibliyini də vurğulayıb.
“Əgər tərəflər danışmayacaqsa, biz prosesə cəlb olunmayacağıqsa, bu münaqişəni necə həll etmək olar? Bəzi avropalılarda bundan narahatlıq qalıb, lakin hesab edirəm ki, dialoqu davam etdirmək çox vacibdir”, - ABŞ-ın maliyyə naziri qeyd edib.
Müəllif: Adəm
-
Qoroskop01:20Günün ulduz falı: Ailə daxilində kiçik anlaşılmazlıqlar ola bilər
-
Hadisə18 Noyabr 22:04Dəhşətli qəza: Ata, azyaşlı qızı və bacısı oğlu həlak oldu - Yeniləndi
-
ABŞ18 Noyabr 19:50Trampa verilən gizli hədiyyə ortaya çıxdı - Hətta diplomatlar da bilmirmiş...
-
Nəqliyyat18 Noyabr 19:10Azərbaycanda bu yollar da ödənişli ola bilər - Açıqlandı
-
Rəsmi xronika18 Noyabr 15:08Prezident Latviya Prezidentini təbrik etdi
-
Nida Xəbər 18 Noyabr 14:37ABŞ-da Azərbaycan bayrağı endirilib? - Dövlət Komitəsindən açıqlama
-
Nida Xəbər 18 Noyabr 14:31Hafiz Məmmədovun ailəsinin əmlakları ilə bağlı yeni qərar
-
Elm və təhsil18 Noyabr 13:40“Diplom varsa, avtomatik biliklər də var” - Nazir bu yanaşmanı tənqid etdi



































